Heydər Əliyev Hava Limanında təxliyə elan edilib - YENİLƏNİB
17:45
22 sentyabr 2025-ci il tarixində Ankara - Bakı müntəzəm reysini həyata keçirən "Ajet" aviaşirkətinin kapitanı Heydər Əliyev Beynəlxalq Aeroportunun aidiyyəti qurumlarına göyərtədə həyəcan siqnalı barədə sorğu göndərib.
Təyyarə yerli vaxtla saat 15:55-da Bakı hava limanına təhlükəsiz eniş edib.
Beynəlxalq təhlükəsizlik protokollarına uyğun prosedurlar dərhal icra olunub. Araşdırma nəticəsində müəyyən olunub ki, siqnal əsassız olub və hər hansı təhlükə qeydə alınmayıb.
Sərnişinlərin və ekipaj üzvlərinin təhlükəsizliyi hər zaman prioritetdir.
Əlavə olaraq bildiririk ki, baş vermiş hadisə Heydər Əliyev Beynəlxalq Aeroportunun əməliyyat proseslərinə təsir göstərməyib. Bütün uçuşlar qrafikə uyğun şəkildə davam edir.
Heydər Əliyev Hava Limanında təxliyə elan edilib
Crossmedia.az xəbər verir ki, Bakıda yerləşən Heydər Əliyev Beynəlxalq Hava Limanında bomba təhlükəsi ilə bağlı sərnişinlər və personal evakuasiya olunduğu iddia edilib
Məsələ ilə bağlı bildirilib ki, hadisənin detalları və təhlükənin real olub-olmadığı barədə rəsmi açıqlama veriləcək.
17:45 22.09.2025
Oxunuş sayı: 5128
