Paçinyan: Biz özümüz Ermənistanın ərazi bütövlüyünü tanımalıyıq
Bütün bunlar Ermənistanı düzgün aerodinamikaya salmaq və erməni dövlətçiliyini möhkəmləndirmək naminə edilir,
Crossmedia.az erməni KİV-inə istinadən xəbər verir ki, bunu Ermənistanın baş naziri Nikol Paşinyan viza möhürlərindən Ağrı dağının təsvirinin çıxarılması ilə bağlı qərarı şərh edərkən bildirib.
Paşinyan bildirib ki, pasportdakı möhür dizaynının dəyişdirilməsi layihəsi bir neçə ay əvvəl dövriyyəyə buraxılıb — hələ Türkiyənin xüsusi nümayəndəsi Kılıçın Yerevana səfəri ehtimalı belə gündəmdə deyildi. Onun sözlərinə görə, bu qərarın Türkiyə ilə heç bir əlaqəsi yoxdur və bu, Ermənistan hakimiyyətinin təşəbbüsüdür:
"Biz özümüz Ermənistanın ərazi bütövlüyünü tanımalıyıq ki, dövlətin davamlılığını təmin edək... İstəyirik ki, Ermənistan məsuliyyətli dövlət olsun və beynəlxalq qaydalara uyğun yaşasın".
13:24 18.09.2025
Oxunuş sayı: 4393
