Xarici xəbərlər

İsrailin Qəzzaya hücumu nəticəsində 24 saatda 5 nəfər ölüb

İsrail ordusunun atəşkəsə baxmayaraq Qəzza zolağına endirdiyi zərbələr nəticəsində son 24 saat ərzində 5 nəfər həyatını itirib, 28 nəfər yaralanıb.

Crossmedia.az xarici KİV-ə istinadən xəbər verir.

Qəzza Səhiyyə Nazirliyinin yaydığı açıqlamada İsrailin 2023-cü ilin oktyabrından bəri bölgəyə həyata keçirdiyi hücumlarda ölən və yaralananlarla bağlı son məlumatlar açıqlanıb.

Məlumata görə, 10 oktyabr 2025-ci ildə atəşkəs qüvvəyə mindikdən sonra İsrailin hücumları nəticəsində Qəzzada 1 386 nəfər həyatını itirib, 4 784 nəfər yaralanıb. Eyni zamanda, dağıntılar altından 831 nəfərin cəsədi çıxarılıb.

İsrailin 2023-cü ilin oktyabrından etibarən Qəzza zolağına həyata keçirdiyi hücumlar nəticəsində ümumi ölənlərin sayının 73 821-ə, yaralananların sayının isə 174 897-yə yüksəldiyi bildirilib.

Qəzza zolağında dağıntılar altında hələ də minlərlə insanın cəsədinin qaldığı qeyd olunur.

🖨 Çap et

16:04 17.09.2026

Oxunuş sayı: 51