"PostEurop" Baş Assambleyasını gələn il Azərbaycanda keçirilməsini təklif edib
Avropa Poçtunun ("PostEurop") Baş Assambleyasının gələn il Azərbaycanda keçirilməsi təklif olunub.
Crossmedia.az xəbər verir ki, bu təklif rəqəmsal inkişaf və nəqliyyat nazirinin müavini Saməddin Əsədovun Ümumdünya Poçt İttifaqının (ÜPİ) 28-ci Konqresi çərçivəsində Birləşmiş Ərəb Əmirliklərinin Dubay şəhərində "PostEurop"un Baş katibi Botond Szebeni və İdarə Heyətinin sədri Elena Fernandez-Rodriguez ilə görüşü zamanı səsləndirilib.
Görüşdə Azərbaycanın ÜPİ-nin Poçt Əməliyyatları Şurası və Administrativ Şuraya namizədliyinə dəstək ifadə olunub, poçt sahəsində beynəlxalq əməkdaşlığın əhəmiyyəti vurğulanıb. Həmçinin poçt rabitəsi xidmətlərində innovativ yanaşmalar və rəqəmsallaşmanın tətbiqi imkanları müzakirə edilib.
19:24 17.09.2025
Oxunuş sayı: 4566
