Aİ Ukraynaya dəstək üçün dondurulmuş Rusiya aktivlərindən istifadəni müzakirə edir
Avropa İttifaqı Kiyevə kreditlər ayırmaq məqsədilə dondurulmuş Rusiya aktivlərinə həbs qoyulması imkanını müzakirə edir. Söhbət təxminən 170 milyard avro həcmində vəsaitdən gedir.
Crossmedia.az xarici KİV-ə istinadən xəbər verir.
Müzakirə olunan variantlardan biri bu aktivlərdən sıfır faiz dərəcəsi ilə Aİ istiqrazlarının alınması üçün istifadə olunmasını nəzərdə tutur. Digər ehtimal isə maliyyələşdirmə sxeminin idarəsi üçün xüsusi təyinatlı müəssisələrin yaradılmasıdır. Bu mexanizm, həmçinin, Aİ-yə üzv olmayan ölkələrin də prosesdə iştirakına imkan verə bilər.
Ekspertlərin fikrincə, məsələ həm siyasi, həm də hüquqi baxımdan ciddi çətinliklər doğurur, lakin Aİ-nin Kiyevə uzunmüddətli maliyyə dəstəyi göstərməkdə israrlı olduğu vurğulanır.
18:38 17.09.2025
Oxunuş sayı: 827
