Ermənistan və Fransa strateji tərəfdaşlıq sənədini müzakirə edib
Ermənistan və Fransa arasında siyasi məsləhətləşmələr keçirilib. Görüşdə strateji tərəfdaşlıq sənədi və onun imzalanma vaxtı müzakirə olunub.
Crossmedia.az xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb.
Bildirilib ki, görüşdə Ermənistan XİN rəhbərinin müavini Vaan Kostanyan və Fransanın Avropa və Xarici İşlər Nazirliyinin Kontinental Avropa departamentinin rəhbəri Bris Rokföy iki ölkə arasında müxtəlif sahələrdə əməkdaşlıq proqramlarını nəzərdən keçiriblər.
Tərəflər həmçinin Vaşinqtonda əldə olunmuş Ermənistan və Azərbaycan arasında münasibətlərin tənzimlənməsinə dair razılaşmalar, eləcə də Ermənistanın Türkiyə ilə münasibətlərinin normallaşdırılması prosesini müzakirə ediblər. Bundan əlavə, Ermənistan–Avropa İttifaqı tərəfdaşlığı ilə bağlı məsələlər də gündəmə gətirilib.
Nihat Tahirov
14:42 17.09.2025
Oxunuş sayı: 4300
