Azərbaycan və Ermənistan arasında sülh sazişi Euronews-un diqqət mərkəzində
Azərbaycan və Ermənistan arasında sülh sazişinin paraflanması Cənubi Qafqazda yeni inkişaf mərhələsinin əsasını qoyur. Bu addım regionun perspektivli turizm məkanına çevrilməsinə şərait yaradır.
Crossmedia.az xəbər verir ki, Euronews Azərbaycanın müasir infrastrukturu və beynəlxalq bazarlarla güclü əlaqələri yeni turist axınlarının cəlb edilməsinə geniş diqqət ayırıb. Son on ildə ölkə hava limanlarının yenilənməsinə, mehmanxana sektorunun və turizm infrastrukturunun inkişafına böyük sərmayələr yatırılması ətraflı şərh olunub.
Azərbaycan Turizm Bürosunun baş direktoru Florian Zenqştşmid bildirib ki, artan tələbat fonunda ölkə hazırlıqlı olub: “Sülh sazişi investorların etimadını gücləndirir, bazarımızı dünya brendləri üçün daha cəlbedici edir”. Zenqştşmidin sözlərinə görə, sərhədlərin açılması Cənubi Qafqazı vahid turizm məkanı kimi tanıtmağa və çoxölkəli turlar təşkil etməyə imkan verəcək.
Həmçinin qeyd edilir ki, 42 kilometrlik Zəngəzur dəhlizi üzərindən planlaşdırılan “TRIPP marşrutu” Azərbaycanın Naxçıvanla birləşməsini və Türkiyə vasitəsilə Avropa bazarlarına çıxışını təmin edəcək.
Sülh sazişi Azərbaycanı daha təhlükəsiz, açıq və əlçatan turizm istiqaməti kimi təqdim edir. Əgər əvvəllər Avropadan gələn səyahətçilər regionun sabitliyi ilə bağlı tərəddüd edirdilərsə, indi Cənubi Qafqaz yeni baxış bucağından görüləcək.
Pərvin Hacıyeva
10:29 17.09.2025
Oxunuş sayı: 4767
