Azərbaycan və Vyetnam turizm əməkdaşlığını genişləndirir
Avqustun 28-də Vyetnam Milli Turizm Administrasiyasının direktoru Nquyen Çunq Xan Azərbaycan Respublikasının Vyetnamdakı səfiri Şövqi Mehdizadə ilə görüşüb.
Görüşdə turizm sahəsində əməkdaşlıq perspektivləri müzakirə olunub.
Crossmedia.az xəbər verir ki, səfir Vyetnamı milli bayramları münasibətilə təbrik edərək iki ölkə arasında 1959-cu ildən davam edən sabit münasibətlərin inkişafını yüksək qiymətləndirib.
O bildirib ki, 2025-ci ilin mayında Vyetnama səfər etmiş Baş katib To Lamın Azərbaycana səfərindən sonra tərəflər strateji tərəfdaşlığa yüksəlib və turizm prioritet istiqamətlərdən biri kimi müəyyən edilib.
Məlumat verilib ki, 2025-ci ildə Azərbaycan ilk dəfə Hoşimin şəhərində keçiriləcək Beynəlxalq Turizm Sərgisində (ITE HCMC) iştirak edəcək, həmçinin Hanoyda “Azərbaycanı tanı” adlı konfrans təşkil olunacaq.
Səfir mədəni və turizm mübadiləsinin əhəmiyyətini vurğulayaraq, Azərbaycan gəncləri arasında Vyetnama marağın artdığını qeyd edib.
Nquyen Çunq Xan səfirin turizmin inkişafına verdiyi töhfəni yüksək qiymətləndirib, iki ölkə arasında birbaşa aviareyslərin vacibliyini diqqətə çatdırıb. O, turizm sahəsində əməkdaşlıq sazişinin imzalanmasına və nümayəndələrin qarşıdakı tədbirlərdə iştirakına hazır olduqlarını təsdiqləyib.
Nicat Rüstəmzadə
12:14 29.08.2025
Oxunuş sayı: 9480
