"Trampın Aİ siyasəti basqı üzərində qurulub" - ŞƏRH
ABŞ Prezidenti Donald Tramp Avropa İttifaqının (Aİ) iqtisadi öhdəliklərini yerinə yetirmədiyi halda, idxal rüsumlarını 35 faizə qədər artıracağını bildirib. O, Tramp bu fikirləri CNBC-yə verdiyi müsahibədə səsləndirib.
Trampın bu açıqlaması onun Aİ ilə ticarət münasibətlərinə qarşı sərt mövqeyini davam etdirdiyini göstərir. Bu cür təzyiqlər ABŞ-Aİ iqtisadi münasibətlərində yeni gərginlik mərhələsinin başlanğıcı ola bilər.
Ağ Ev rəhbərinin səsləndirdiyi təhdidlərin gözlənilən effekti barədə Crossmedia.az-a danışan REAL partiyasının sədri, iqtisadçı Natiq Cəfərli söyləyib ki, Aİ geri addım atsa, bu, onun özünə ziyan verəcək: "Trampın danışıq taktikası basqı üzərində qurulub. Bu, artıq hər kəsə məlumdur. Düşünmürəm ki, Aİ ölkələri bu anlaşmadan geri addım atsınlar. Çünki geri addım atmaq Aİ-nin özünə ziyandır. 15%-lik tariflər, çox güman ki, artıq işə düşəcək. Sadəcə, Trampın istəyi odur ki, Aİ təkcə tariflərlə razılaşmasın, həm ABŞ-dən daha çox enerji daşıyıcıları alsın, həm də silah sifarişlərini artırsın. Yəqin ki, bu tariflərlə bağlı basqı da elə bu məsələyə hesablanıb”.
Nicat Rüstəmzadə
14:45 06.08.2025
Oxunuş sayı: 1006
