Yayda su içmək həyati əhəmiyyət daşıyır – həkimlər xəbərdarlıq edir
Yay
aylarında artan temperaturla birlikdə bədəndə su itkisi də sürətlənir. Mütəxəssislər
bu dövrdə gündə ən azı 2,5–3 litr su içilməsinin həyati əhəmiyyət daşıdığını
bildirirlər.
Crossmedia.az
xəbər verir ki, diyetoloq Asya Naz Al, xüsusilə günəş altında uzun müddət
qalanların, açıq havada çalışanların və fiziki aktiv olan şəxslərin daha çox
suya ehtiyacı olduğunu qeyd edib. O, susuzluğun qarşısını almaq üçün suya
limon, darçın və ya meyvə qabığı əlavə etməyi tövsiyə edir. Gündə bir şüşə
mineral su içmək də orqanizmin mineral balansını qorumaq baxımından faydalıdır.
Dəri
xəstəlikləri üzrə mütəxəssis Dr. Makbule Dündar isə yayda dəri quruluğunun və
günəş şüalarının yaratdığı zərərlərin qarşısını almaq üçün ən az SPF 50
qoruyucu tərkibli günəş kremlərindən istifadə etməyi tövsiyə edib. O, dərinin həm
günəşdən qorunması, həm də nəmləndirilməsi üçün gündəlik baxımın vacib olduğunu
bildirib.
Mütəxəssislər
xəbərdarlıq edirlər ki, susuz qalmaq, xüsusilə isti havalarda baş gicəllənməsi,
halsızlıq və hətta huşun itməsi kimi ağır fəsadlara səbəb ola bilər. Buna görə
də, yay aylarında su içməyə xüsusi diqqət yetirilməlidir.
Nigar
Rəhimova
03:45 27.07.2025
Oxunuş sayı: 1073
