Cəmiyyət

SOCAR prezidenti Everest zirvəsinə qalxıb

Azərbaycan Dövlət Neft Şirkətinin (SOCAR) prezidenti Rövşən Nəcəfin adı Everest zirvəsinə qalxanların siyahısında yer alıb.

Crossmedia.az xəbər verir ki, “High Adventure Expeditions” saytında “The Himalayan Database” məlumatları əsasında yayımlanan siyahıda onun zirvəyə 2025-ci il mayın 18-də qalxdığı göstərilir.

Siyahıda adı “Rovshan Najaf” kimi qeyd olunan şəxsin Azərbaycan vətəndaşı və qalxış zamanı 43 yaşında olduğu bildirilir. Qalxış marşrutu isə Cənub aşırımı–Cənub-şərq silsiləsi kimi göstərilib.

Qeyd edək ki, Rövşən Nəcəf 2022-ci il iyulun 21-də SOCAR-ın prezidenti vəzifəsinə təyin olunub.

İndiyədək Everest zirvəsinə qalxanlar arasında Azərbaycanı təmsil edən İsrafil Aşurlu (19 may 2007), Murad Aşurlu (19 may 2013), Vadim Vokryaçko (24 may 2019), Elmira Aslanova (19 may 2023), Vəfa Musayeva (15 may 2025) və Rövşən Nəcəfin (18 may 2025) adları yer alır.(Modern.az)

Mövzular:

SOCAR Azərbaycan Dövlət Neft Şirkəti Everest Everest zirvəsi Himalay dağları The Himalayan Database High Adventure Expeditions

🖨 Çap et

11:46 26.10.2026

Oxunuş sayı: 57