Psixiatr: Müharibə liderlərin və toplumların “narsist” davranışlarını ortaya çıxarır
Amerikalı psixiatr Dr. Qari Myers bildirib ki, bəzi liderlər və toplumlar öz acılarını qəbul etmək əvəzinə, onu güc və üstünlük görüntüsü ilə ört-basdır edirlər.
Crossmedia.az xəbər verir ki, bu barədə "kyivindependent" nəşri məlumat yayıb.
Belə ki, psixiatr ukraynalı müharibə veteranları ilə söhbətində bu davranışın fərdi və kollektiv narsisizm nümunəsi olduğunu qeyd edib. Onun sözlərinə görə, Rusiya keçmişdəki yaralarını unutmaq əvəzinə, özünü "əzilmiş və haqsızlığa uğramış" kimi təqdim edərək tarixə yeni bir mif yaradır.
Myers həmçinin ABŞ-də da bu cür tendensiyaların olduğunu, Trampın “Amerikanı yenidən böyük edək” şüarının da bu nostalji və güc axtarışından doğduğunu vurğulayıb.
Psixiatr sonda bildirib ki, həqiqi güc yaraları gizlətməkdə yox, onları qəbul edib dəyişməkdədir.
Fatimə Məmmədova
23:15 09.07.2025
Oxunuş sayı: 12097
