Xarici xəbərlər

İsrail ordusu Qəzzadakı uşaq xəstəxanasını vurdu

İsrail ordusunun Qəzza şəhərinin Tuffah mahalında yerləşən Durra uşaq xəstəxanasını hədəf aldığı bildirilir.

Crossmedia.az xarici mediaya istinadən bildirir ki, Qəzza Səhiyyə Nazirliyindən verilən açıqlamaya görə, xəstəxananın damındakı günəş enerjisi panelləri və reanimasiya bölməsi İsrail ordusunun topçu bölmələri tərəfindən vurulub.

Xəstəxanada ölən və ya yaralananların olub-olmaması ilə bağlı məlumat verilməyib. Qəzzadakı Fələstinli rəsmilər İsrail ordusunun tez-tez Qəzzadakı səhiyyə mərkəzlərini və infrastruktur obyektlərini qəsdən hədəf aldığını bildirirlər.

Qəzza hökumətinin Media Ofisinin məlumatlarına görə, İsrail ordusu 7 oktyabr 2023-cü ildən bu yana Qəzzada 164 səhiyyə qurumunu hədəf alaraq 38 xəstəxana və 81 səhiyyə mərkəzini fəaliyyətini dayandırıb.

Fatimə Nəbiyeva

🖨 Çap et

18:52 23.04.2025

Oxunuş sayı: 941