ABŞ Ukrayna münaqişəsinin həlli üçün konkret plan təklif edib
ABŞ Ukrayna münaqişəsinin həlli ilə bağlı konkret təklif hazırlayıb.
Crossmedia.az bildirir ki,ABŞ-nin vitse-prezidenti Cey Di Vənsin Bloomberg agentliyinə verdiyi açıqlamaya görə, əgər Moskva və Kiyev bu plana razılıq verməsə, Vaşinqton danışıqlardan çəkiləcək.
“Vaxt çatıb: ya razılaşacaqlar, ya da ABŞ bu prosesdən çıxacaq”,– deyə Vəns bildirib.
Onun sözlərinə görə, plan çərçivəsində ərazilərin dəyişdirilməsi nəzərdə tutulur və münaqişədən sonra müəyyən ediləcək sərhəd indiki cəbhə xətti ilə üst-üstə düşməyə bilər.
Vəns həmçinin qeyd edib ki, tərəflər silahı yerə qoymalı, münaqişəni dondurmalı və “daha yaxşı Rusiya və daha yaxşı Ukrayna” qurmaq istiqamətində real addımlar atmalıdırlar. O, danışıqların gələcəyi ilə bağlı nikbin olduğunu, indiyədək isə tərəflərin prosesdə səmimi davrandığını vurğulayıb.
Fidan Xəlilova
17:30 23.04.2025
Oxunuş sayı: 814
