Xarici xəbərlər

İstanbulda güclü ZƏLZƏLƏLƏR OLDU - TƏCİLİ

15:38

Crossmedia.az xəbər verir ki, İstanbulda 5.9 maqnitudalı yeddinci zəlzələ oldu.

Məlumatlara görə İstanbulda artıq 14 afterşok qeydə alınıb.

******

14:44

İstanbulda 4.5 maqnitudalı daha bir zəlzələ baş verib.

******

14:39

İstanbulda 4,9 bal gücündə dördüncü zəlzələ baş verdi.

İstanbulda baş vermiş zəlzələrlə bağlı Türkiyə Prezidenti Rəcəb Tayyib Ərdoğan açıqlama verib: "Vətəndaşlarımıza keçmiş olsun arzularımı çatdırıram, hadisəni yaxından izləyirik."

İstanbul Böyükşəhər Bələdiyyəsindən də açıqlama gəlib: “Hələlik ciddi bir hadisə barədə məlumat yoxdur. Təcili yığışmaq qərarına gəldik”.

TGRT məlumat verib ki, İstanbulda baş verən zəlzələlər nəticəsində bir nəfər balkondan atıldığı üçün yaralanıb.

******

14:21

İstanbulda 6,2 bal gücündə zəlzələ baş verib.

Crossmedia.az Türkiyə mətbuatına istinadən xəbər verir ki, Fövqəladə Halların İdarə Olunması Agentliyinin (AFAD)yaydığı məlumata görə episentri Silivri rayonu olan zəlzələ Türkiyə saatı ilə 12:49-da qeydə alınıb.

Zəlzələnin ocağı 6.92 kilometr dərinlikdə yerləşib.

******

14:02

İstanbuldakı zəlzələ yerin 6.9 kilometr dərinliyində qeydə alınıb, afterşoklar davam edir.

Crossmedia.az xəbər verir ki, bu barədə Türkiyə KİV-i məlumat yayıb.

Bildirilib ki, Mərmərə dənizinin Silivri rayonu sahillərində 10 saniyə davam edən yeraltı təkan böyük təşvişə səbəb olub və ətraf vilayətlərdə də hiss edilib.

🖨 Çap et

15:38 23.04.2025

Oxunuş sayı: 784