Nizami Gəncəvi Beynəlxalq Mərkəzi Çin ilə əlaqələrini gücləndirir
Nizami Gəncəvi Beynəlxalq Mərkəzinin baş katibi Rövşən Muradov və baş məsləhətçi Rza Əliyev Çinə səfər ediblər.
Mərkəzdən bildirilib ki, səfərin məqsədi Çin ilə əməkdaşlığı daha da möhkəmləndirmək və birgə layihələri müzakirə etmək olub.
Səfər çərçivəsində nümayəndə heyəti Çin Xalq Diplomatiyası Assosiasiyasının prezidenti Vu Haylonq, Xarici İşlər üzrə Çin Xalq İnstitutunun prezidenti Vanq Çao və vitse-prezidenti Yanq Tao və Şanxay Əməkdaşlıq Təşkilatının (ŞƏT) Baş katibi Nurlan Yermekbayev və Mərkəzin İdarə Heyəti üzvü, Tsinxua Universitetinin dekanı Devid Pen ilə işgüzar görüşlər keçirib.
Rövşən Muradov və Rza Əliyev, həmçinin Nizami Gəncəvi Beynəlxalq Mərkəzinin üzvləri - bu ölkədə səfərdə olan Banqladeşin Baş naziri, Nobel mükafatçısı Muhammad Yunus, Özbəkistanın sabiq xarici işlər naziri Vladimir Norov, Rumıniyanın sabiq Baş naziri Petr Roman ilə də görüşüblər.
XII Qlobal Bakı Forumda iştirak etmiş rəsmilər Forumun uğurla keçirilməsini yüksək qiymətləndirərək, tədbirin qlobal dialoq və əməkdaşlığın gücləndirilməsi baxımından mühüm platforma olduğunu vurğulayıblar.
Bununla yanaşı, nümayəndə heyətinin Nizami Gəncəvi Beynəlxalq Mərkəzinin Qlobal Dərnəyinin həmsədri Çau Çak Vinq ilə görüşü keçirilib.
21:10 01.04.2025
Oxunuş sayı: 11651
