Haber Global: "Xocalı soyqırımı türk dünyasının qəlbindəki ən böyük yaralardan biridir"
Türkiyənin “Haber Global” telekanalı Kahramanmaraşdakı Xocalı abidəsi barədə süjet hazırlayıb.
Crossmedia.az xəbər verir ki, süjetdə adıçəkilən ərazidə “Azərbaycan” məhəlləsinin yaxınlığındakı abidə barədə, bunun fonunda Azərbaycan-Türkiyə qardaşlığı haqqında fikirlər səsləndirilib.
Bildirilib ki, 2019-cu ildə açılışı baş tutan abidə “Bir millət, iki dövlət” anlayışının təzahürüdür.
Videosüjetdə o da qeyd olunub ki, Türkiyənin bir çox əyalət və şəhərində bəşər tarixində insanlığa qarşı törədilmiş ən böyük cinayətlərdən biri olan Xocalı soyqırımı ilə bağlı abidələr var.
Telekanalın xüsusi müxbiri Murad Karataş Xocalı soyqırımını türk dünyasının qəlbindəki ən böyük yaralardan biri kimi qiymətləndirib.
M.Karataş videoreportajda Xocalının artıq işğaldan azad edildiyini, orada həyatın yenidən bərpa olunduğunu da qeyd edib.
15:40 05.03.2025
Oxunuş sayı: 4238
