Əlcəzairdə Qarabağ müharibəsi və İlham Əliyevin şəxsiyyət faktoru müzakirə edilib
Əlcəzairdə Bakı Şəhər İcra Hakimiyyəti və Tarix İnstitutunun birgə layihəsi olan “Vətən müharibəsi tarixi. Şəxsiyyət faktoru” kitabının ərəb dilində nəşrinin təqdimat mərasimi keçirilib.
Crossmedia.az xəbər erir tədbirdə rəsmilər, Əlcəzairdə akkreditə olunan xarici dövlətlərin səfirləri və diplomatları, tanınmış ictimai-siyasi, elm və mədəniyyət xadimləri, kütləvi informasiya vasitələrinin nümayəndələri, bu ölkədə işləyən və təhsil alan azərbaycanlılar iştirak ediblər.
Azərbaycanın Əlcəzairdəki əfiri Tural Rzayev, AMEA-nın həqiqi üzvü, tarix elmləri doktoru, akademik Nərgiz Axundova və başqaları çıxışlarında “Vətən müharibəsi tarixi. Şəxsiyyət faktoru” kitabının əhəmiyyətindən danışaraq bildiriblər ki, kitabda Vətən müharibəsində qazanılan şanlı qələbə və bu qələbənin memarı olan Prezident İlham Əliyevin müdrik siyasəti, qətiyyəti, yüksək intellekti, dahi sərkərdəlik qabiliyyəti və şəxsiyyət faktoru öz əksini tapıb.
Qeyd olunub ki, bu kitab müharibə tarixinin ilk ümumiləşdirilməsi cəhdlərindən biri olaraq on dildə nəşr edilib və dünyanın bir sıra ölkələrində təqdimatı keçirilib.
Mərasimdə qonaqlara Azərbaycan, işğaldan azad edilən torpaqlar, bu ərazilərdə aparılan genişmiqyaslı quruculuq işləri haqqında film nümayiş etdirilib. Qonaqlar üçün Azərbaycan milli musiqisi səsləndirilib və sonda ziyafət təşkil edilib.
Xatırladaq ki, kitabın təqdimat mərasimi haqqında məqalə və xəbərlər Əlcəzairin kütləvi informasiya vasitələrində, həmçinin sosial şəbəkələrdə geniş işıqlandırılıb.
10:02 27.02.2025
Oxunuş sayı: 3922
