"Azərbaycan bu qanlı müharibənin tezliklə başa çatmasını istəyir"
Bu gün Rusiya ilə Ukrayna arasındakı müharibənin üçüncü ili tamam olur. Ötən üç il beynəlxalq geosiyasi müstəvidə ciddi dəyişiklik oldu. Hər iki tərəf öz dostunu da tanıdı, dost dediklərini də...
Azərbaycan xarici siyasəti isə bu savaşda bir daha uğurlu sınaqdan keçdi. Belə ki, rəsmi Bakı "qızıl orta"nı qorudu, Ukraynanın ərazi bütövlüyünü dəstəklədiyi halda, Rusiyaya qarşı sanksiyalara qoşulmadı.
Azərbaycanın bu unikal siyasəti barədə Crossmedia.az-a danışan Milli Məclisin deputatı, Ana Vətən Partiyasının sədr müavini Günay Ağamalı deyib ki, Azərbaycan Rusiya-Ukrayna müharibəsinə beynəlxalq hüquq normaları prizmasından yanaşır: "Azərbaycan Rusiyaya qarşı Kollektiv Qərbin tətbiq etdiyi sanksiyalarda yer almır, həm də davamlı olaraq Ukraynaya humanitar yardımlar göstərir. Azərbaycan bu qanlı müharibənin tezliklə başa çatmasının və sülh sazişinin bağlanmasının ardıcıl tərəfdarı kimi çıxış edir. Bütövlükdə, rəsmi Bakının yanaşması beynəlxalq arenada etibarlı və məsuliyyətli tərəfdaş kimi mövqeyini, həmçinin regional və qlobal proseslərdə mühüm rol oynamasını göstərir".
Kənan Novruzov
19:05 24.02.2025
Oxunuş sayı: 11743
