AHİK-in Əmək və Sosial Münasibətlər Akademiyasında TİKA-nın Bakı Ofisinin koordinatoru ilə görüş olub
Türk Əməkdaşlıq və Koordinasiya Agentliyinin (TİKA) Bakı Proqram Koordinasiya Ofisinin koordinatoru Hayrettin Özçelik Azərbaycan Həmkarlar İttifaqları Konfederasiyasının (AHİK) Əmək və Sosial Münasibətlər Akademiyasında (AƏSMA) olub.
Crossmedia.az xəbər verir ki, bu barədə Azərbaycan Həmkarlar İttifaqları Konfederasiyası məlumat yayıb.
AƏSMA-nın rektoru vəzifəsini müvəqqəti icra edən Yusif Ağayev akademiyada tədris prosesinin təşkili, fakültə və ixtisaslar, ali təhsil müəssisəsinin imkanları, burada həyata keçirilən yeniliklər barədə məlumat verib, AHİK-in həyata keçirdiyi rəqəmsal yenilikləri diqqətə çatdırıb.
TİKA-nın Bakı Proqram Koordinasiya Ofisinin koordinatoru Hayrettin Özçelik təmsil etdiyi qurumun fəaliyyəti və dəstək mexanizmlərindən danışıb, əlaqələrin istiqamətləri barədə fikirlərini bölüşüb.
Görüşdə əməkdaşlıq imkanları müzakirə olunub, fikir mübadiləsi aparılıb.
16:15 19.02.2025
Oxunuş sayı: 5114
