Heydər Əliyevin Rusiyanın Ermənistana silah hədiyyə etməsinə sərt etirazı - MARAQLI FAKT
Rusiyanın Ermənistana zaman-zaman verdiyi dəstək, xüsusən silah yardımı hər zaman Azərbaycanın narazılığına, narahatlığına səbəb olub.
Crossmedia.az xəbər verir ki, hələ 1997-ci ildə Türkiyədə sahibkarlarla görüş zamanı Azərbaycanın Ümummilli Lideri Heydər Əliyev Ermənistanın silahlandırılması məsələsinə toxunaraq ciddi narahatlığını ifadə edib. O bildirib ki, Rusiya atəşkəs rejiminin üçillik müddətində Ermənistana gizli və qanunsuz şəkildə böyük həcmdə silah göndərib. Heydər Əliyev həmçinin Rusiyanın Ermənistan və Gürcüstanda hərbi bazalar yerləşdirməsinə qarşı olduqlarını da vurğulayıb.
Rusiyanın hədiyyə etdiyi silahların ümumi dəyəri 1 milyard dollar həcmində olub və ağır texnika, müasir tanklar, artilleriya sistemləri, raketlər və digər dağıdıcı silahları əhatə edib. Rusiyanın Ermənistana kimyəvi silahlar və onlardan müdafiə vasitələri də ötürdüyü açıqlanıb. Bu isə o zaman üçün regionda vəziyyəti daha da gərginləşdirmişdi.
Bütün bu faktlar göstəriri ki, Rusiya hər zaman Ermənistana dəstək olub, bununla da anti-Azərbaycan siyasəti yürüdüb, torpaqlarımızın işğalda qalmasının bir nömrəli səbəbkarı olub.
Lakin Azərbaycan nə o zaman bununla barışıb, nə də indi Rusiyanın ölkəmizə qarşı olan siyasəti ilə barışmaq fikrində deyil.
Fatimə Məmmədova
08:59 13.02.2025
Oxunuş sayı: 3435
