Nazir: “Azərbaycan, Türkiyə və Pakistanın bayraqlarını birgəliyi ölkələr arasında dərin əlaqənin bir göstəricisidir”
Nazir: “Azərbaycan, Türkiyə və Pakistanın bayraqlarının birgəliyi ölkələr arasında dərin əlaqənin bir göstəricisidir”
Crossmedia.az xarici KİV-ə istinadən xəbər verir.
Pakistanın Özəlləşdirmə naziri Əbdül Əlim Xan Azərbaycanla strateji əlaqələr və dayanıqlı inkişaf barədə danışıb.
Əlim Xan Pakistan və Azərbaycan üçün açılan sonsuz imkanları qeyd edib. O bildirib ki, tezliklə iki ölkə arasında möhkəm strateji əlaqələr və qarşılıqlı əməkdaşlıq əsasında yeni bir ticarət və innovasiya dövrü başlayacaq.
Əlim Xan deyib: “Dayanıqlı inkişafın gələcəyi möhkəm strateji tərəfdaşlıqların qurulmasından asılıdır. Azərbaycan bu bölgədə bizim üçün vacib tərəfdaşdır. Ticarət evinin açılması iki ölkə arasında daha da möhkəm iqtisadi əlaqələrin təməlini qoyacaq. Burada Azərbaycanın, Türkiyənin və Pakistanın bayraqlarını birgə görmək ölkələr arasında dərin əlaqənin bir göstəricisidir.”
O, bu hadisə ilə əlaqədar Azərbaycan səfirini təbrik edib və bunu iki ölkə arasındakı münasibətlərdə əlamətdar bir mərhələ adlandırıb. “Bu, hər iki ölkə üçün çox vacib gündür”, – deyə Əlim Xan əlavə edib.
Əlim Xan səfiri “Pakistanın çox yaxşı dostu” adlandırıb.
İkitərəfli əlaqələrin möhkəmliyindən danışan nazir son bir ildə üç dəfə Bakıya səfər etdiyini və bu əlaqələri daha da dərinləşdirmək üçün çalışdığını bildirib.
Məhəmməd Vəliyev
18:35 12.02.2025
Oxunuş sayı: 7975
