Yaxın Şərq
İsraildə hakimiyyət dəyişsə də, əsas kurs dəyişməyəcək- Asim Mollazadə
İsraildə keçiriləcək növbəti parlament seçkiləri və formalaşacaq yeni siyasi konfiqurasiya ölkənin daxili siyasi kursuna, Yaxın Şərq regionundakı manevrlərinə və xüsusilə Fələstin məsələsinə yanaşmasına ciddi təsir imkanları ilə diqqət mərkəzindədir. Qlobal analitiklər və diplomatik dairələr seçki nəticələrinin Vaşinqton-Təl-Əviv xəttinə, eləcə də ərəb dövlətləri ilə münasibətlərə verəcəyi istiqaməti fəal şəkildə müzakirə edirlər.
Bu fonda aktual bir sual meydana çıxır: İsraildə seçkilərin nəticələri ölkənin Yaxın Şərq siyasətində hansı köklü dəyişikliklərə yol aça bilər? Yeni siyasi konfiqurasiyanın Fələstin məsələsinə və region ölkələri ilə münasibətlərə real təsiri necə olacaq?
Mövzu ilə bağlı Crossmedia.az-a açıqlama verən Mili Məclisin deputatı, Demokratik İslahatlar Partiyasının (DİP) sədri Asim Mollazadə İsrail dövlətinin dəyişməz strateji prioritetlərini, təhlükəsizlik doktrinasını və seçkilərdən sonra formalaşacaq mənzərəni ətraflı şərh edib:
"Məlum olduğu kimi, seçkilərin nəticələri köklü siyasətdə dəyişikliklər yaratmağa qadirdir. Lakin əslində İsrailin ən böyük və təməl problemi təhlükəsizlikləbağlıdır. Bu məsələlər öz həllini tapmayana qədər heç bir siyasi qüvvə alternativ istiqamətdə müstəqil hərəkət edə bilməz. Yəni əminəm ki, seçkilərdə qalib gələcək istənilən siyasi qüvvə yenə də birinci dərəcəli məsələ kimi təhlükəsizlik faktoruna üstünlük verəcək. Xüsusilə də mövcud geosiyasi gərginliklər fonunda dövlətin gələcək strategiyası tamamilə bu prioritetlər üzərində qurulacaqdır".
Zeynəb Həsən
18:30 27.10.2026
Oxunuş sayı: 59
