AQEM rəsmisi : Azərbaycanın sədrliyi dövründə insan amilinə xüsusi diqqət yetirili
2024-cü ildən etibarən Azərbaycan Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) sədrliyi öz üzərinə götürüb. Son iki il ərzində insan yönümlü yanaşma çərçivəsində humanitar ölçüyə xüsusi diqqət gücləndirilib.
Crossmedia.az xəbər verir ki, bunu AQEM-in Baş katibinin müavini Zhang Ling VII Ümumdünya Mədəniyyətlərarası Dialoq Forumu çərçivəsində keçirilən “Mədəniyyət mərkəzdə: “SECURE” ilə ortaq gələcəyə etibarlı yollar” mövzusunda plenar iclasda deyib.
O bildirib ki, AQEM çərçivəsində Qadınlar Şurası və aparıcı universitetlərin tərəfdaşlıq şəbəkəsi kimi yeni mexanizmlər yaradılıb. Bu mexanizmlərin hamısı qadınlara, gənclərə və təhsilə yönəlib.
“Cəmi iki həftə əvvəl, oktyabrın 15-də Bakıda AQEM-in 7-ci Zirvə Görüşü keçirildi. Bu görüşdə üzv dövlətlər Asiyada etimadın, əməkdaşlığın və sabitliyin gücləndirilməsinə sadiq qaldıqlarını bir daha təsdiqlədilər. Zirvə Görüşündə Bakı Bəyannaməsi qəbul edildi və bu sənədin ruhu hazırda müzakirə etdiyimiz insan amili ilə sıx şəkildə uzlaşır. Biz xüsusilə Azərbaycanı təşkilatımızdakı güclü liderliyinə və AQEM gündəliyinin inkişaf etdirilməsi istiqamətində davamlı səylərinə görə yüksək qiymətləndiririk”, - deyə Zhang Ling vurğulayıb.
17:25 27.10.2026
Oxunuş sayı: 85
