Cəmiyyət
AYNA: Biletim.az-da bilet satışları 1,6 dəfə artıb
Bu ilin yanvar-sentyabr aylarında “Biletim.az” portalı vasitəsilə onlayn 941 mindən çox bilet satılıb.
Crossmedia.az xəbər verir ki, Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə istinadən məlumat yayıb.
Bu göstərici ötən ilin eyni dövrü ilə müqayisədə 1,6 dəfə çoxdur. Hesabat dövründə onlayn satılan biletlərin ümumi satışdakı payı 42 faizə yüksəlib. Ötən ilin müvafiq dövründə bu göstərici 28 faiz olub.
Qabaqcadan satış üzrə biletlərin payı da artıb. Belə ki, 2025-ci ilin yanvar-sentyabr aylarında bu göstərici 36 faiz olduğu halda, cari ilin eyni dövründə 48 faizə çatıb.
Hazırda “Biletim.az” portalı vasitəsilə 61 məntəqədən 97 istiqamət üzrə bilet almaq mümkündür. Sistemə 379 reyslə 426 nəqliyyat vasitəsi qoşulub.
Onlayn bilet satış sisteminin mərhələli şəkildə sərnişindaşıma sahəsində fəaliyyət göstərən bütün daşıyıcıları və avtovağzalları əhatə edəcəyi bildirilib.
10:53 08.10.2026
Oxunuş sayı: 109
