Rusiyaya qonşu ölkələrdə nüvə silahının yerləşdirilməsi gərginliyi artıra bilər
Rusiyaya qonşu ölkələrdə nüvə silahının yerləşdirilməsi Avropada sabitliyə xidmət etməyəcək.
Crossmedia.az xəbər verir ki, “Ria novosti” Rusiya Prezidentinin mətbuat katibi Dmitri Peskovun açıqlamalarına istinadən məlumat yayıb.
Peskov bildirib ki, Rusiyaya qonşu dövlətlərin ərazisində nüvə silahının yerləşdirilməsi Avropada sabitliyin təmin olunmasına kömək etməyəcək.
Kremlin sözçüsü Almaniyanın Rusiyanı “kölgə müharibəsi” aparmaqda ittiham etməsini də əsassız adlandırıb. Onun sözlərinə görə, bu ittihamların real əsaslandırması yoxdur.
Peskov iddia edib ki, Almaniya rəhbərliyi hərbiləşməyə çəkilən xərcləri əsaslandırmaq üçün Rusiya obrazında süni düşmən yaratmağa çalışır.
Rusiya Prezidentinin mətbuat katibi ABŞ Prezidenti Donald Trampın İrkutsk vilayətindəki epidemioloji vəziyyətlə bağlı yardım təklifinə də münasibət bildirib. O, qarşılıqlı yardım təkliflərinin səsləndirilməsinin müsbət hal olduğunu deyib.
19:19 06.10.2026
Oxunuş sayı: 48
