Litva ABŞ hərbi bazasının xərclərini öz üzərinə götürməyə hazırdır
Litva ABŞ-nin ölkədə daimi hərbi bazasının yaradılması ilə bağlı xərcləri öz üzərinə götürməyə hazırdır.
Crossmedia.az xəbər verir ki, “Anadolu Agentliyi” bu barədə Litvanın baş naziri Mindauqas Sinkyaviçyusa istinadən məlumat yayıb.
Baş nazir bildirib ki, ABŞ hərbçilərinin Litvada daimi yerləşdirilməsi ilə bağlı siyasi qərarın qəbul edilməsi kifayətdir. Onun sözlərinə görə, ölkə bu qərarın həyata keçirilməsi ilə bağlı maliyyə xərclərini qarşılamağa hazırdır.
Sinkyaviçyus bu barədə sosial şəbəkə hesabında yazıb: “Tərəfdaşlara yalnız hərbçilərin daimi yerləşdirilməsi ilə bağlı siyasi qərar qəbul etmək qalır”.
Bu açıqlama ABŞ Prezidenti Donald Trampın Litvada daimi Amerika hərbi bazasının yaradılması təklifinə baxılacağını bildirməsindən sonra səslənib.
Bununla yanaşı, Litva Seymi ölkə ərazisində nüvə silahının yerləşdirilməsinə qoyulan qadağanın aradan qaldırılması ilə bağlı dəyişiklik üçün ilk səsverməni keçirib. Qanun layihəsinin ikinci səsverməsinin yanvarda keçirilməsi planlaşdırılır.
18:46 06.10.2026
Oxunuş sayı: 55
