Xarici xəbərlər

İranda radikal qruplara qarşı əməliyyat keçirilib

İranın cənub-şərqində radikal qruplaşmalara qarşı keçirilən əməliyyatlar zamanı 8 nəfər öldürülüb, daha 2 nəfər saxlanılıb.

Crossmedia.az xəbər verir ki, İranın Kəşfiyyat Nazirliyi bu barədə məlumat yayıb.

Nazirliyin məlumatına görə, əməliyyatlar ölkənin cənub-şərq bölgələrində ekstremist qruplaşmalara qarşı həyata keçirilib. Bəlucistan əyalətində baş verən qarşıdurmalar zamanı 8 silahlı şəxs öldürülüb, daha 2 nəfər hüquq-mühafizə orqanlarının əməkdaşları tərəfindən saxlanılıb.

İran Kəşfiyyat Nazirliyi keçirilən əməliyyatların görüntülərini də yayıb.

Ölkənin Pakistanla sərhəd bölgəsində radikal separatçı və cihadçı qrupların fəaliyyət göstərdiyi bildirilir. Onların arasında “Ceyş əl-Ədl” və onun sələfi olan, radikal islamçı mövqeləri ilə tanınan qruplaşmaların olduğu qeyd edilir.

İran hakimiyyətinin məlumatına görə, bu qruplar ölkənin təhlükəsizlik qüvvələrinə məxsus obyektlərə mütəmadi hücumlar həyata keçirirlər.

Mövzular:

İran Bəlucistan radikal qruplar “Ceyş əl-Ədl” İran Kəşfiyyat Nazirliyi əməliyyat

🖨 Çap et

14:00 06.10.2026

Oxunuş sayı: 36