Kalininqrad məsələsi Qərb və Rusiya arasında gərginliyi artırır
İtaliyalı jurnalist Marko Travallio Kalininqradla bağlı Rusiya və Qərb arasındakı qarşıdurmaya dair açıqlamalar verib.
Crossmedia.az xəbər verir ki, “Il Fatto Quotidiano” bu barədə məlumat yayıb.
Travallio məqaləsində Qərbin Rusiyanın Kalininqrada mümkün hücum olacağı təqdirdə cavab veriləcəyi ilə bağlı xəbərdarlığını təhdid kimi təqdim etməyə çalışdığını yazıb. Jurnalistin fikrincə, real təhlükənin Moskvadan deyil, Qərb ölkələrinin atdığı addımlardan qaynaqlandığı iddia edilir.
O, Kalininqrad yaxınlığında NATO təlimlərinin keçirilməsini, həmçinin Rusiyanın İtaliya, İspaniya və Fransaya hücum etməyə hazırlaşdığı barədə yayılan məlumatları nümunə göstərib. Travallio bu məlumatların bir qismini saxta “Mərkəzi Kəşfiyyat İdarəsinin hesabatları” kimi qiymətləndirib.
Jurnalist həmçinin Estoniya və Litva siyasətçilərinin Kalininqradla bağlı sərt açıqlamalarına və Litvanın ərazisində xarici hərbçilərin, eləcə də nüvə silahlarının yerləşdirilməsinə qoyulan qadağanı aradan qaldırmaq qərarına diqqət çəkib.
Bundan əvvəl Rusiya Prezidenti Vladimir Putin Kalininqrada hücum ediləcəyi təqdirdə Moskvanın bütün silah arsenalından istifadə edə biləcəyini bildirib. O, vəziyyətin gərginləşəcəyi halda belə cavabın qaçılmaz ola biləcəyini qeyd edib.
23:01 03.10.2026
Oxunuş sayı: 61
