Xarici xəbərlər

İranda məhkəmə qarşısında atışma olub, ölən və yaralananlar var

İranın Qərbi Azərbaycan vilayətinin Mahabad şəhərində məhkəmə binasının qarşısında atışma baş verib.

Crossmedia.az xəbər verir ki, atışma bu gün səhər baş verib. Məhkəmə binasının qarşısında baş verən silahlı atışma nəticəsində 1 nəfər güllə yarasından həyatını itirib, 4 nəfər isə yaralanıb.

İlkin araşdırmaların nəticələrinə görə, hadisə şəxsi münaqişə və qisas motivi ilə baş verib. Bildirilib ki, hücum edən şəxs övladının öldürülməsində iştirak etdiyini düşündüyü şəxsin ailə üzvlərinə odlu silahla hücum edərək atəş açıb.

Məlumata görə, atışmanı törədən şəxs polis əməkdaşları tərəfindən saxlanılıb, araşdırma davam etdirilir. (Apa)

Mövzular:

İran Mahabad Qərbi Azərbaycan vilayəti məhkəmə binası atışma silahlı hücum qisas şəxsi münaqişə ölən və yaralananlar polis

🖨 Çap et

13:34 03.10.2026

Oxunuş sayı: 51