Bolqarıstanın Baş naziri: Sülh silahla deyil, diplomatiya ilə gələcək
Ukraynaya hərbi yardımların müəyyən həddi var və Avropa İttifaqı Rusiya ilə bağlı diplomatiyaya daha çox diqqət yetirməlidir.
Crossmedia.az xəbər verir ki, “Lenta.ru” bu barədə məlumat yayıb.
Bolqarıstanın Baş naziri Rumen Radev Avropa İttifaqının müdafiə və kosmos sammitində çıxışı zamanı Kiyevə silah və sursat tədarükünə əsaslanan “güc yolu ilə sülh” strategiyasını tənqid edib.
Onun sözlərinə görə, Ukrayna münaqişəsinin davam etməsi Avropa ölkələrinin sosial və iqtisadi sistemlərini hər gün daha çox tükəndirir.
“Silah tədarükünün həddi var, yekun sülh nizamlanmasına isə silah tədarükü ilə deyil, diplomatik yolla nail olunacaq. Buna görə də bir-birimizi daha çox dinləməyə və əlaqə kanallarını açmağa çağırırıq. Realist yanaşmaq və mümkün qədər tez sülhə aparan yol tapmaq vacibdir”, – Radev bildirib.
Qeyd edək ki, Almaniya kansleri Fridrix Merts daha əvvəl Ukraynanın hava hücumundan müdafiəsi üçün tədarüklərin artırılması ilə bağlı tərəfdaşlarla danışıqlar aparıldığını açıqlayıb. O, hava hücumundan müdafiəni hazırda Ukraynanın “ən zəif yeri” adlandırıb və qarşıdan gələn qışın ölkə üçün ağır keçə biləcəyini bildirib.
23:39 30.09.2026
Oxunuş sayı: 41
