Ukrayna nümayəndə heyətinin BMT-dəki davranışı diqqət çəkdi
Ukrayna Prezidenti Volodimir Zelenski və onun ətrafındakı şəxslər BMT-nin mənzil-qərargahında bir-birləri ilə rus dilində danışırlar.
Crossmedia.az xəbər verir ki, Rusiya Xarici İşlər Nazirliyinin sözçüsü Mariya Zaxarova bu barədə RİA Novosti-yə açıqlamasında bildirib.
Zaxarova qeyd edib ki, Ukraynada vətəndaşların rus dilindən istifadə etməsinin qarşısını almağa çalışırlar. Onun sözlərinə görə, buna baxmayaraq, Zelenski və onun ətrafındakı şəxslər, o cümlədən BMT-nin mənzil-qərargahında bir-birləri ilə rus dilində ünsiyyət qururlar.
Diplomat həmçinin BMT Baş Assambleyasının iclasları zamanı Ukrayna nümayəndə heyətinin Rusiya nümayəndələrinin çıxışları zamanı qulaqcıq taxdığını bildirib.
Zaxarovanın sözlərinə görə, Ukrayna nümayəndələri rus dilini bilmirmiş kimi davransalar da, öz aralarında rus dilində danışırlar.
“Qulaqcıqları taxırlar, eyni zamanda öz aralarında sakitcə rus dilində danışırlar”, – Zaxarova bildirib.
Qeyd edək ki, Zaxarova daha əvvəl Zelenskinin münaqişənin davam etdirilməsi üçün beynəlxalq dəstək axtardığını iddia edib.
22:31 30.09.2026
Oxunuş sayı: 53
