Zaxarovadan Avropaya sərt mesaj: Kalininqradı hədəfə almayın
Avropa liderlərinin Kalininqrad vilayətində Rusiyanın hava hücumundan müdafiə sistemlərinin məhv edilməsi ilə bağlı açıqlamaları Moskva tərəfindən “ağılsızlıq” kimi qiymətləndirilib.
Crossmedia.az xəbər verir ki, "Ria novosti" bu barədə məlumat yayıb.
Rusiya Xarici İşlər Nazirliyinin sözçüsü Mariya Zaxarova bildirib ki, bəzi Avropa liderləri Kalininqrad vilayətində Rusiyanın hava hücumundan müdafiə bazalarını və raket komplekslərini “yerlə-yeksan etmək” imkanlarını açıq şəkildə müzakirə edirlər.
Onun sözlərinə görə, bu cür yanaşma bəzi siyasətçilərə siyasi karyera qurmaq və Avropa İttifaqının büdcə vəsaitlərindən istifadə etmək imkanı yaradır.
Zaxarova hesab edir ki, “uğursuz avropalı strateqlər” öz siyasi səhvlərinin nəticələrini aradan qaldırmağın yeganə yolunun müharibə olduğu qənaətinə gəlirlər.
Qeyd edək ki, bundan əvvəl Rusiya prezidentinin mətbuat katibi Dmitri Peskov Kalininqradın blokadaya alınmasına mümkün nüvə cavabının normativ sənədlərlə müəyyən edildiyini bildirib.
22:22 30.09.2026
Oxunuş sayı: 38
