Dubaydan uçan təyyarədə həyəcanlı anlar yaşandı
“Flydubai” aviaşirkətinə məxsus Dubaydan Təl-Əvivə uçan sərnişin təyyarəsi mümkün təyyarə qaçırılması ilə bağlı siqnal göndərib. İsrail Hərbi Hava Qüvvələri təyyarəni müşayiət etmək üçün qırıcılarını havaya qaldırıb.
Crossmedia.az xəbər verir ki, məlumata görə, təyyarə əvvəlcə ümumi fövqəladə vəziyyət kodu (7700), daha sonra isə mümkün qanunsuz müdaxilə və qaçırılma hallarında istifadə olunan 7500 kodunu ötürüb. Hadisədən sonra təyyarənin marşrutu dəyişib və təhlükəsizlik tədbirləri gücləndirilib.
Sonrakı məlumatlarda təyyarənin Səudiyyə Ərəbistanının Tabuk şəhərində təhlükəsiz eniş etdiyi bildirilib. İlkin həyəcanın səbəbləri ilə bağlı araşdırma davam edir; bəzi mənbələr siqnalın kabində yaranmış insident nəticəsində aktivləşdirildiyini yazır.
17:04 30.09.2026
Oxunuş sayı: 41
