FIFA prezidentinə U-15 Dünya Çempionatına hazırlıq barədə məlumat verilib
FIFA prezidenti Canni İnfantinoya Hövsan qəsəbəsində inşa olunan futbol bazası barədə ətraflı məlumat verilib.
Crossmedia.az-a bu barədə AFFA-nın Mətbuat xidməti məlumat yayıb.
Bildirilib ki, bu gün FIFA-nın prezidenti Canni İnfantino tarixdə ilk dəfə keçiriləcək FIFA U-15 Dünya Çempionatı və Festivalı 2026-ya hazırlıq çərçivəsində Azərbaycana səfərə gəlib.
Səfər çərçivəsində AFFA-nın prezidenti Rövşən Nəcəf və FIFA-nın prezidenti Canni İnfantino FIFA U-15 Dünya Çempionatı və Festivalının oyunlarının keçiriləcəyi Hövsan qəsəbəsində inşa olunan futbol bazasında olublar.
FIFA prezidentinə 10 futbol meydançasından ibarət kompleksdə tikinti işlərinin gedişatı və yarışa hazırlıq prosesi barədə ətraflı məlumat verilib.
“Azərbaycan Futbol Federasiyaları Assosiasiyası FIFA-nı və Canni İnfantinonu tam dəstəkləyir”, - deyə məlumatda qeyd edilib.
12:08
FIFA prezidenti Canni İnfantino Bakıda keçiriləcək U-15-lər arasında dünya çempionatına hazırlıq işlərinin gedişi ilə tanış olmaq üçün Azərbaycana gəlib.
Məlumat AFFA-nın Mətbuat xidmətindən Trend-ə təsdiqlənib.
Səfər çərçivəsində FIFA prezidenti bu gün ilk olaraq Hövsanda inşa olunan futbol meydançalarına baxış keçirib.
İnfantino qısa müddətdə istifadəyə hazırlanmış 10 meydançanı nəzərdən keçirib.
Təşkilati hazırlığın gedişindən məmnun qalan Canni İnfantino Hövsanda AFFA rəsmilərinin müşayiəti ilə meydançalara baxış keçirib.
FIFA prezidenti səfəri çərçivəsində daha bir neçə görüş keçirəcək və bundan sonra Bakıya səfərini başa vuracaq.
Qeyd edək ki, U-15 dünya çempionatı və festivalı oktyabrın 24-dən 30-dək Bakıda təşkil olunacaq.
Azərbaycan millisi turnirdə AF qrupunda mübarizə aparacaq. Yığmanın qrupdakı rəqibləri Andorra, Avstraliya, Haiti, İsrail və Şərqi Timordur.
14:10 29.09.2026
Oxunuş sayı: 43
