Nigerdə 50-dən çox təhlükəsizlik əməkdaşı öldürüldü
Nigerin qərbində baş verən iki hücum nəticəsində ölkənin təhlükəsizlik qüvvələrinin 50-dən çox üzvü öldürülüb.
Crossmedia.az xəbər verir ki, “Reuters” bu barədə məlumat yayıb.
Hadisələr cihadçı qrupların, o cümlədən “İslam Dövləti” terror təşkilatının regional qolunun fəal olduğu Sahel bölgəsində baş verib.
Təhlükəsizlik mənbələrinin məlumatına görə, ötən həftənin çərşənbə günü Abala-Filinqe şəhəri yaxınlığında jandarmlardan ibarət konvoya pusqu qurulub.
Şənbə günü isə Birni-Nkonni şəhərində baş verən ayrı-ayrı hücum nəticəsində 30-dan çox hərbçi öldürülüb.
Mənbələr hücumların terrorçular tərəfindən həyata keçirildiyini bildirib. Hadisələrlə bağlı əlavə təfərrüat açıqlanmayıb.
23:20 28.09.2026
Oxunuş sayı: 37
