Banqladeşdə qızılca epidemiyası – 1000-dən çox uşaq ölüb
Banqladeşdə qızılca epidemiyası nəticəsində 1 000-dən çox uşaq ölüb. Ölkədə təcili peyvənd kampaniyasına baxmayaraq, xəstələnmə halları yenidən artır.
Crossmedia.az bu barədə BBC UNİCEF-ə istinadla məlumat yayıb.
Ölkədə artıq 19,8 milyondan çox uşaq peyvənd olunub, lakin hər gün təxminən 1 000 yeni şübhəli yoluxma halı qeydə alınır.
Ümumdünya Səhiyyə Təşkilatının (ÜST) məlumatına görə, bu ilin mart ayınadək Banqladeş qızılcanın aradan qaldırılması istiqamətində “əhəmiyyətli irəliləyiş” əldə etmişdi. Lakin ÜST-nin hazırkı məlumatları göstərir ki, bu il indiyədək qızılca hallarının sayı ən çox məhz Banqladeşdə qeydə alınıb.
Hökumətin son məlumatlarına görə, yüksək yoluxuculuğa malik və tənəffüs, öskürək və ya asqırma yolu ilə asanlıqla yayılan xəstəliyə mart ayından bəri 194 mindən çox yoluxma halı qeydə alınıb.
Təkcə çərşənbə axşamı günü qızılcaya yoluxma şübhəsi olan daha səkkiz nəfər ölüb.
12:31 17.09.2026
Oxunuş sayı: 50
