Xarici xəbərlər

ABŞ PUA-sı İran səmasında vuruldu

İran ordusu ölkənin hava məkanını pozduğu bildirilən ABŞ-ə məxsus MQ-1 pilotsuz uçuş aparatını Bəndər-Abbas şəhəri üzərində vurub.

Crossmedia.az xəbər verir ki, İran ordusunun mətbuat xidməti bu barədə məlumat yayıb.

Ordunun açıqlamasında bildirilir ki, PUA İranın cənubundakı Bəndər-Abbas şəhəri üzərində hava məkanına daxil olub.

“Bir neçə dəqiqə əvvəl hava məkanını pozan MQ-1 PUA ordunun hava hücumundan müdafiə sistemləri tərəfindən uğurla vurularaq məhv edilib”, – deyə İran ordusunun mətbuat xidmətinin açıqlamasında qeyd olunub.

Hadisənin ABŞ və İran arasında gərginliyin davam etdiyi bir vaxtda baş verdiyi bildirilir. İran tərəfi PUA-nın hansı məqsədlə hava məkanına daxil olduğunu açıqlamayıb.

Mövzular:

ABŞ PUA İran MQ-1 pilotsuz uçuş aparatı Bəndər-Abbas şəhəri İran ordusu mətbuat xidməti

🖨 Çap et

18:35 08.09.2026

Oxunuş sayı: 47