Xarici xəbərlər

Rusiyanın sərhədləri yaxınlığında ABŞ hərəkətliliyi

ABŞ Hərbi Hava Qüvvələrinə məxsus RC-135W Rivet Joint strateji elektron və radio-texniki kəşfiyyat təyyarəsi Rusiyanın sərhədləri yaxınlığında Barens dənizi üzərində uçuş həyata keçirib.

Crossmedia.az xəbər verir ki, “RİA Novosti” bu barədə məlumat yayıb.

Məlumata görə, təyyarə şənbə günü səhər Böyük Britaniyadakı aviabazadan havaya qalxıb. O, əvvəlcə Norveç üzərində yanacaqdaşıyan təyyarə ilə birlikdə uçub, daha sonra Rusiyadan bir neçə yüz kilometr məsafədə yerləşən Barens dənizi istiqamətinə hərəkət edib.

Moskva vaxtı ilə saat 13:00-da təyyarənin siqnalı Rusiya-Norveç sərhədindən bir neçə yüz kilometr məsafədə yenidən qeydə alınıb. Kəşfiyyat təyyarəsi saat 16:00-da Böyük Britaniyadakı bazaya qayıdıb.

Qeyd edək ki, sentyabrın əvvəlində ABŞ Hərbi Hava Qüvvələrinin başqa bir kəşfiyyat təyyarəsi Rusiya sahilləri yaxınlığında patrul uçuşundan sonra radarlardan itmişdi.

Mövzular:

ABŞ Rusiya ABŞ Hərbi Hava Qüvvələri Böyük Britaniya kəşfiyyat təyyarəsi radio-texniki kəşfiyyat təyyarəsi RC-135W Rivet Joint

🖨 Çap et

09:53 07.09.2026

Oxunuş sayı: 53