Xarici xəbərlər

Rusiyanın yeni hücumunda liman infrastrukturu hədəfə alındı

Rusiya hərbçiləri Ukraynanın hərbi məqsədlər üçün istifadə etdiyi liman infrastrukturu və dəniz nəqliyyat vasitələrinə zərbələr endirib.

Crossmedia.az xəbər verir ki, Rusiya Müdafiə Nazirliyi bu barədə məlumat yayıb.

Nazirliyin məlumatına görə, sentyabrın 6-da axşam saatlarında Çernomorsk limanında “Mavka” quru yük gəmisinə zərbə endirilib. Bildirilib ki, gəmidə hərbi-texniki təyinatlı yüklər olub.

Sentyabrın 7-də səhər isə İzmail limanındakı istehsal-yükləmə kompleksi və Qara dənizdə patrul katerinin pilotsuz uçuş aparatları ilə vurulduğu açıqlanıb.

Rusiya Müdafiə Nazirliyi İzmaildəki kompleksin Qərb ölkələrindən Ukraynaya göndərilən hərbi yüklərin boşaldılması üçün istifadə edildiyini iddia edib. Patrul katerinin isə hərbi təyinatlı yüklər daşıyan gəmilərin müşayiətində iştirak etdiyi bildirilib.

Mövzular:

Rusiya Qara dəniz Mavka Rusiya Müdafiə Nazirliyi İzmail limanı nəqliyyat vasitələri Çernomorsk limanı Qərb ölkələri

🖨 Çap et

09:43 07.09.2026

Oxunuş sayı: 43