LG televizorunuz yavaşlayıbsa, bunu yoxlayın – Yaddaşı belə təmizləmək olar
LG Smart TV-də tətbiqlərin tez-tez bağlanması, televizorun yavaşlaması və “Yaddaş kifayət etmir” xətasının görünməsi cihazda boş yaddaşın azalması ilə bağlı ola bilər.
Crossmedia.az xəbər verir ki, “BGR” bu barədə məlumat yayıb.
Problemi aradan qaldırmaq üçün ilk növbədə televizorun proqram təminatını yeniləmək tövsiyə olunur. Bunun üçün “Bütün parametrlər” bölməsində “Dəstək” menyusuna daxil olaraq proqram yeniləməsinin olub-olmadığını yoxlamaq mümkündür.
Əgər avtomatik yeniləmə funksiyası mövcuddursa, onu aktivləşdirmək məsləhətdir.
Digər sadə üsul isə televizoru yenidən başlatmaqdır. Bunun üçün cihazı pultdakı düymə ilə söndürmək, elektrik şəbəkəsindən təxminən 30 saniyə ayırmaq və daha sonra yenidən qoşmaq lazımdır.
Bu addımlar televizorun yaddaşını təmizləməyə və cihazın daha stabil işləməsinə kömək edə bilər.
07:40 21.08.2026
Oxunuş sayı: 72
