Elektrik avtomobilləri bazarında iki nəhəng şirkət – "Volkswagen" və "Toyota" fərqli yanaşmaları ilə diqqət çəkir. Hər iki marka, bazardakı liderliyini qorumaq üçün müasir texnologiyalar və innovativ modellər təqdim edir.
"Volkswagen" elektrikləşməyi sürətləndirir
"Volkswagen" şirkəti 2030-cu ilə qədər satışlarının 50%-dən çoxunu elektrik avtomobillərinin təşkil etməsini hədəfləyir. Şirkət bunun üçün xüsusi olaraq "MEB" (Modular Electric Drive Toolkit) platformasını hazırlayıb və bu platforma əsasında "ID.3", "ID.4" və "ID. Buzz" kimi modellər təqdim edib.
Bu avtomobillər 350-550 km arası menzil və 30 dəqiqə ərzində 80%-ə qədər sürətli enerji yükləmə imkanı ilə istifadəçilərin rəğbətini qazanır.
"Toyota" ehtiyatlı irəliləyir
"Toyota" isə elektrik avtomobillərinə keçiddə daha ehtiyatlı yanaşma nümayiş etdirir. Şirkət uzun müddət hibrid texnologiyalarına, xüsusən "Prius" modelinə üstünlük verib. Lakin "Toyota" son illərdə elektrik avtomobilləri bazarına daxil olub və "bZ4X" modelini təqdim edib.
Eyni zamanda, şirkət gələcəkdə "Solid-State Battery" texnologiyası ilə bazarda inqilab etməyi planlaşdırır. Bu texnologiyanın 2030-cu ildə istifadəyə verilməsi gözlənilir.
Müqayisə
"Volkswagen" hazırda geniş model seçimi və inkişaf etmiş infrastrukturla elektrik avtomobil bazarında daha güclü mövqeyə malikdir. "Toyota" isə uzunmüddətli etibarlılığı və hibrid təcrübəsi ilə seçilsə də, tam elektrik avtomobilləri sahəsində daha məhdud çeşid təklif edir.
Elektrik avtomobilləri bazarındakı bu rəqabət hər iki şirkətin müştərilərinə daha innovativ və əlçatan həllər təqdim etməsinə şərait yaradır.
Emil Bağızadə
