"Honor", səbirsizliklə gözlənilən 300 seriyasını təqdim etməyə hazırlaşır. Bu seriyada yalnız yüksək seqment istifadəçilərini deyil, müxtəlif büdcələrə uyğun modelləri də qarşılamaq planlaşdırılır. Gəlin, 300 seriyasının bizə hansı xüsusiyyətlər təklif edəcəyinə nəzər salaq.
Sızan məlumatlara görə, "Honor 300" seriyasının ən diqqətəlayiq modeli olan "Honor 300 Pro" güclü xüsusiyyətlərlə gələcək. Flaqman səviyyəli bu model dörd tərəfdən əyri 1.5K ekran və "Qualcomm Snapdragon 8 Gen 3" prosessoru ilə təchiz ediləcək.
300 Pro modelinin, fotoqrafiya həvəskarları üçün də xüsusi imkanlar təqdim edəcəyi gözlənilir. İkiqat ön kamerası 50 MP olacaq və arxa tərəfdə üçlü kamera quruluşu yerləşdiriləcək. Bu quruluşda 50 MP əsas kameraya əlavə olaraq, 50 MP telefoto lens də mövcuddur. Bu xüsusiyyətlər sayəsində istifadəçilər uzaq məsafələrdən belə yüksək şəkillər çəkə biləcəklər. Eyni zamanda, cihazda simsiz şarj dəstəyi də olacaq. Üstəlik, bütün seriya modellərinin 100W sürətli şarjı dəstəkləyəcəyi gözlənilir.
Seriyanın digər modelləri də yüksək performansdan imtina etmədən daha münasib qiymətlərlə təklif ediləcək. Çində sertifikatlaşdırma prosesini tamamlayan "Honor 300" seriyasının yaxın vaxtlarda satışa çıxması gözlənilir. "Honor", bu yeni seriya ilə həm premium, həm də əlçatan qiymətli modelləri bazara təqdim edəcək.
Emil Bağızadə
