Bakıda və bölgələrdə küləkli hava ilə bağlı sarı xəbərdarlıq verilib
Milli Hidrometeorologiya Xidməti avqustun 10-da Bakıda və Abşeron yarımadasında, eləcə də Azərbaycanın bir sıra bölgələrində gözlənilən küləkli hava şəraiti ilə bağlı sarı xəbərdarlıq edib.
Crossmedia.az xəbər verir ki, bu barədə Milli Hidrometeorologiya Xidmətindən məlumat verilib.
Məlumata görə, xəbərdarlıq Bakıda və Abşeron yarımadasında, həmçinin Naxçıvan Muxtar Respublikası və bir sıra rayonlarda qüvvədə olacaq.
Qeyd olunub ki, sarı xəbərdarlığa uyğun olaraq ərazilərdə şimal-qərb küləyinin əsəcəyi gözlənilir.
Küləyin sürətinin saniyədə 13.9-20.7 metr təşkil edəcəyi bildirilir.
Xəbərdarlığın əhatə etdiyi ərazilər arasında Cəbrayıl, Goranboy, Naftalan, Daşkəsən və Mingəçevir də var.
Bundan əlavə, Cəlilabad, Biləsuvar, Hacıqabul, Xaçmaz, Siyəzən, Şabran və Qusar rayonlarında da küləkli hava şəraitinin müşahidə olunacağı gözlənilir.
17:49 09.08.2026
Oxunuş sayı: 60
