Mask: "Starship" ildə 10 milyon ton yük daşıya bilər
"SpaceX" şirkəti təkrar istifadə olunan "Starship" kosmik nəqliyyat sistemi vasitəsilə yaxın Yer orbitinə ildə 10 milyon tona qədər yük çatdırmağı planlaşdırır.
Crossmedia.az xəbər verir ki, "ТАSS" bu barədə amerikalı biznesmen İlon Maskın açıqlamasına istinadən məlumat yayıb.
Mask bildirib ki, hazırda "SpaceX" hər il kosmosa təxminən 2,5 ton yük çıxarır. Onun sözlərinə görə, "Starship" layihəsi bu göstəricini əhəmiyyətli dərəcədə artırmağa imkan verəcək.
"Biz hesab edirik ki, "Starship" ildə orbitə 1 milyon tondan çox yük daşımağa imkan verəcək, uzunmüddətli perspektivdə isə bu rəqəm ildə 10 milyon tona çata bilər", - deyə Mask bildirib.
"SpaceX" rəhbəri qeyd edib ki, yeni sistem kosmik daşımaların miqyasını dəyişə və orbitə böyük həcmdə yük çıxarılmasını mümkün edə bilər.
17:56 05.08.2026
Oxunuş sayı: 54
