Xarici xəbərlər

An-124 təyyarəsinin yanında partlayıcı qurğu aşkarlanıb

Almaniyanın Leypsiq hava limanında Ukraynaya məxsus An-124 yük təyyarəsinin yaxınlığında partlayıcı mexanizmlə təchiz edilmiş pilotsuz uçuş aparatı (PUA) aşkarlanıb. Hadisə ilə əlaqədar hava limanında təhlükəsizlik tədbirləri gücləndirilib.

Crossmedia.az xəbər verir ki, "Bild" bu barədə məlumat yayıb.

Məlumata görə, gecə saatlarında Ukraynaya məxsus "Antonov" şirkətinin An-124 yük təyyarəsinin yaxınlığında üzərinə bağlama və partlayıcı mexanizm bərkidilmiş PUA tapılıb. Hadisə yerinə istehkamçılar və zərərsizləşdirmə robotu cəlb edilib, hava limanının fəaliyyəti müvəqqəti dayandırılıb.

Nəşrin yazdığına görə, bir müddət sonra başqa bir yük təyyarəsi havada naməlum obyektlə toqquşub. Təyyarə burun hissəsində zədələrlə Hannover hava limanına təcili eniş edib.

Hadisənin təfərrüatları araşdırılır. Hələlik insidentlərin bir-biri ilə əlaqəli olub-olmaması barədə rəsmi məlumat verilməyib.

🖨 Çap et

16:47 05.08.2026

Oxunuş sayı: 43