Kərkinin Azərbaycana qaytarılma ehtimalı Ermənistanda müzakirə mövzusuna çevrilib
Ermənistan parlamentində hakim “Vətəndaş Müqaviləsi” Partiyasından parlament sədrliyinə namizəd Ruben Rubinyan Kərki (Tiqranaşen) kəndinin Azərbaycana qaytarılmayacağına zəmanət verib-verməyəcəyi ilə bağlı suala birbaşa cavab verməyib.
Crossmedia.az erməni KİV-nə istinadən xəbər verir.
Müxalifətdəki “Ermənistan” fraksiyasının deputatı İşxan Saqatelyan Ararat (Vedibasar) vilayətində yerləşən və strateji əhəmiyyət daşıdığını bildirdiyi Kərki (Tiqranaşen) kəndinin taleyi ilə bağlı Rubinyana sual ünvanlayıb.
Rubinyan cavabında bildirib ki, Ermənistan üçün əsas “qırmızı xətt” ölkənin 29 743 kvadratkilometrlik beynəlxalq səviyyədə tanınmış ərazisidir və bu ərazi hər vasitə ilə müdafiə olunacaq.
O qeyd edib ki, digər məsələlər Azərbaycan-Ermənistan sərhədinin delimitasiya və demarkasiyası prosesi çərçivəsində həll ediləcək. Rubinyanın sözlərinə görə, bu proses zamanı ərazilərin müəyyən optimallaşdırılması, o cümlədən qarşılıqlı ərazi mübadiləsi variantları da nəzərdən keçirilə bilər.
13:15 02.08.2026
Oxunuş sayı: 70
