Xarici xəbərlər

Ermənistanda “Tramp marşrutu”na qarşı forum keçirilir

Ermənistanın Sünik vilayətində erməni və iranlı ekspertlərin iştirakı ilə forum işə başlayıb.

Crossmedia.az xəbər verir ki, forumun rəsmi məqsədi İrəvan və Tehran arasında yanaşmaların yaxınlaşdırılması kimi təqdim olunur.

Bununla yanaşı, iştirakçıların tərkibi tədbirin əsas gündəliyinin fərqli olduğunu göstərir. Bildirilir ki, erməni ekspertlərin əksəriyyəti "TRIPP" layihəsinə və Azərbaycanla münasibətlərin normallaşmasının davam etdirilməsinə qarşı çıxır. İranlı iştirakçılar arasında isə Bakının siyasətini tənqid edən şəxslər üstünlük təşkil edir.

Forumun keçirildiyi məkan da diqqət çəkir. Tədbir "TRIPP" marşrutunun keçməsi ehtimal olunan Sünik bölgəsində təşkil olunub.

Müşahidəçilərin fikrincə, forumun əsas məqsədi “Tramp marşrutu” kimi tanınan layihənin qarşısının alınması və regionda ABŞ-nin rolunun güclənməsinə qarşı vahid erməni-iran mövqeyinin formalaşdırılmasıdır.

🖨 Çap et

17:41 23.07.2026

Oxunuş sayı: 60