Ağdamda yanğın olan ərazidə mina partlayışları müşahidə olunur - YENİLƏNİB
Ağdam rayonunda yanğın baş verən ərazidə mina partlayışları müşahidə olunur.
Crossmedia.az xəbər verir ki, rayonun yenidən qurulan Sarıcalı kəndinə yaxın açıq ərazidə baş verən yanğın mina və partlamamış hərbi sursatlarla çirklənən yerlərə yayılıb.
Yanğın zamanı bir neçə mina partlayışı müşahidə olunub. Partlayışlar yanğınlara operativ müdaxilə edilməsi işlərinə mane olur, alovun söndürülməsi işlərini ləngidir. (REPORT)
19:20
Ağdamın Sarıcalı kəndində açıq ərazidə yanğın baş verib.
Crossmedia.az xəbər verir ki, yanğın hadisəsi rayonun işğaldan azad edilmiş Sarıcalı kəndi ərazisində qeydə alınıb.
Yanğının söndürülməsi üçün əraziyə FHN-nin Ağdam Rayon Yanğından Mühafizə Hissəsinin 2 yanğınsöndürən maşını və şəxsi heyəti cəlb olunub.
Hazırda yanğının söndürülməsi istiqamətində işlər davam etdirilir.
Yanğının başvermə səbəbi araşdırılır.
21:34 22.07.2026
Oxunuş sayı: 79
