Qətərdən İrana sərt xəbərdarlıq – Bu qəbuledilməzdir
Qətərin xarici işlər naziri Şeyx Məhəmməd bin Əbdülrəhman Əl-Təni İranda baş verən gərginlik və mümkün müharibə ssenarilərini kəskin şəkildə tənqid edib.
Crossmedia.az bu barədə xarici mediaya istinadən xəbər verir.
Nazir bildirib ki, İranda baş verən hadisələr Qətər və Körfəz ölkələri üçün qəbuledilməzdir və regionun gələcəyi yalnız dialoq və diplomatiya ilə təmin oluna bilər.
“Baş verənlər həm bizim, həm də Körfəz ölkələrindəki qardaşlarımız üçün qəbuledilməzdir. Nəticə etibarilə hamımız eyni regionun bir hissəsiyik və həll yolu diplomatik olmalıdır,” – deyə o vurğulayıb.
Əl-Tani əlavə edib ki, regionda sabitlik və iqtisadi inkişaf üçün qarşılıqlı anlaşma vacibdir:
“Biz firavan bir region görmək istəyirik. Həm Körfəz ölkələrinin, həm də İranın yüksək səviyyədə etimad və əməkdaşlıq şəraitində inkişaf etməsini arzulayırıq. Müharibələrin geridə qoyduğu vəziyyət deyil, əməkdaşlıq gələcəyi seçilməlidir,” – deyə o qeyd edib.
21:34 29.06.2026
Oxunuş sayı: 41
